Կրկին բավականին անկայուն վիճակ թիմում, ինչը չի կարող չանհանգստացնել մեզ: Մեր սիրելի թիմը, ընդամենը մի քանի տուր առաջ սահուն գնում էր դեպի չեմպիոնություն, սակայն սկսվեց ամենածանր շրջանը՝ մեկը մյուսից բարդ հանդիպումներ: Արդյունքն այն է, որ արդեն Կասիլյասի ձեռքերում Լա Լիգայի գավաթ պատկերացնելը՝ դարձել է հարց և դժվարին խնդիր: Կապտանռնագույններից մեզ բաժանում է չորս միավոր: 

Գուցե խաղացողները չէին պատկերացնում, որ դեռ շատ երկար ճանապարհ կա և դա նրանց թույլ տվեց թուլացնել տեմպը: Բայց մեր նպատակը ոչ թե նրանց քարկոծելն է, այլ հակառակը՝ նրանց կողքին լինելը: Թիմի համար իսկապես ծանր շրջան է: Մեկը մյուսից բարդ ախոյաններ, դրանցից դուրս գալու մեկ ելք՝ հաղթանակ: Մեզ չի բավարարի ո՛չ մի այլ արդյունք: Մադրիդիստները մաքսիմալիստ են և միշտ պահանջում են ավելին: «Ռեալն» իսկապես ֆանտաստիկ մրցաշրջան է անցկացնում և այսպիսի խաղով չնվաճել նվաճելու ենթակա տիտղոսները` անթույալտրելի է: 

Այսպիսով միավորվում ենք, դառնում մեկ բռունցք՝ վերհիշելով ֆանտաստիկ մրցաշրջանի գեղեցիկ կադրեր՝ ակնկալելով նմանօրինակ վերջաբան: Մենք կհաղթենք թե՛ «Բավարիային», թե՛ «Բարսելոնային», թե՛ Լա Լիգայի մնացած հակառակորդներին: Համբերե՛ք ընդամենը մի քանի շաբաթ ու Կասիլյասի ձեռքերում կտեսնեք երկար սպասված տիտղոսները: Կայքը պահանջելով ձեզնից լինել թիմի կողքին՝ միարժամանակ ձեզ է մատուցում իր վիդեոէդիտոր Գևորգ Լոռեցյանիհերթական աշխատանքը: Այն, ինչ պետք է նման պահերի համար: Սկսեցինք  հենց վաղը՝ «Ատլետիկոյից»: Առջևում նորանոր ու ավելի կարևոր հաղթանակներն են:
ՀԱԼԱ ՄԱԴՐԻԴ!!!