Աչքերի մկանների հոգնածությունն առավել քիչ է զգացվում, ի տարբերություն, օրինակ, թիկունքի մկանների, Բայց դա չի նշանակում, որ դրանց նկատմամբ պետք է անտարբեր լինել;Շատերը աշխատանքի բերումով կամ այլ պատճառներով, ստիպված են լինում համակարգչի առջև 9-12 ժամ անցկացնել; Եվ ավելի շատ, եթե սիրում են օգտվել ինտերնետից կամ խաղեր խաղալ;Ձեզ թվում է թե հանգստանում եք;Գուցե; Բայց փոխարենը ձեր աչքերն են հոգնում համակարգչային պատկերի վրա ուշադրությունը կենտրոնացնելու պատճառով; Եվ օրվա վերջում աչքերն արդեն սարսափելի հոգնում են; Ի դեպ, գարնանն այդ խնդիրն խորանում է; Ձմեռային օրերին, երբ ցերեկը կարճատև էր հետևաբար ցերեկային լույսն էլ քիչ, աչքերն ավելի շատ էին լարվում նորմալ տեսնելու համար; Ինչ անել… Ամենապարզ ու մատչելի մեթոդը աչքերի մարզումն է; Ահա մի քանի հետաքրքիր վարժություններ համակարգչով աշխատող մարդկանց համար.
Վարժություն թիվ 1
Մի քանի վայրկյան ամուր փակեք աչքերը; Այնուհետև բացեք ու 5-10 վայրկյան աշխատեք չթարթել; Այս մարզանքը կրկնեք 5 անգամ;
Վարժություն թիվ 2
Որևէ տեքստ աչքերից հեռու պահեք առաջ պարզած ձեռքի հեռավորությամբ, ուշադրությունը կենտրոնացրեք կոնկրետ որևէ տողի վրա,և թուղթը դանդաղ մոտեցրեք աչքերին, շարունակելով նայել նույն տողին այնքան, մինչև տառերն սկսեն աչքերի առջև լողալ; Հետո աստիճանաբար հեռացրեք թուղթը, նորից աշխատելով նայել նույն տողին; Այս մարզանքը կրկնեք 3 րոպե; Այս վարժության օգնությամբ հերթականությամբ լարում-թուլացնում եք աչքերի մկանները;
Վարժություն թիվ 3
Այժմ ֆոկուսի փոփոխության վարժության հերթն է; Հեռավոր մի անկյունում ինչոր իր գտեք և մի քանի վայրկյան ուշադրությունը դրա վրա կենտրոնացրեք; Առանց աչքերը թարթելու 5-7 վայրկյան նայեք դրան, իսկ հետո հայացքը տեղափոխեք ձեր սեղանի վրա գտնվող որևէ իրի վրա հեռախոսի, գրչի… Նորից նայեք մի քանի վայրկյան; Այս մարզանքը կրկնեք 5 անգամ;
Վարժություն թիվ 4
Նայեք քթի ծայրին և մի քանի րոպե պահեք հայացքը; Փակեք աչքերը և հանգստացեք, իսկ հետո հայացքը կենտրոնացրեք միջհոնքային տարածքի վրա, որքան հնարավոր է, և նորից այդ դիրքով մնացեք 60 վայրկյան;
Վարժություն թիվ 5
Վերջին վարժությունը կատարելու համար նստեք ուղիղ, ուղղեք ուսերը և աշխատեք արագ ու եռանդուն հայացքը թեքել մեկ դեպի աջ ուսի կողմը, մեկ դեպի ձախ, իսկ գլուխն անշարժ պահեք; Այս վարժությունը կատարեք 30 անգամ
|
