Ամբողջ աշխարհը շարունակում է աջակցել Էրիկ Աբիդալին: Այս անգամ հերթը Ֆրանսիայի հավաքականում Աբիի խաղընկեր Բաֆետիմբի Գոմիսինն էր:

Ֆրանսիացի հարձակվողը ֆանտաստիկ հարվածով հաղթանակ պարգևեց Լիոնին Սենտ Էտիենի դեմ խաղում: Գոլը խփելուց հետո, Գոմիսը մոտեցավ պահեստայինների նստարանին, որտեղից նրան փոխանցեցին Աբիդալի մարզաշապիկը: Բաֆետիմբին, ցույց տալով այդ մարզաշապիկը խցիկների առջև, իր աջակցությունը հայտնեց Աբիդալին:

Մալագայի դեմ խաղից առաջ «Ռեալի» ֆուտբոլիստները իրենց աջակցությունը հայտնեցին «Բարսելոնայի» ֆուտբոլիստ Էրիկ Աբիդալին և անգլիական  «Բոլթոնի» ֆուտբոլիստ Ֆաբրիս Մուամբային: «Ռեալի» ֆուտբոլիստները խաղադաշտ դուրս եկան սպիտակ շապիկներով, որոնց վրա գրված էին. «Շուտ առողջացի՛ր Մուամբա» և «Քաջացի՛ր Աբիդալ»:

Հիշեցնենք, որ Ֆաբրիս Մուամբան խաղի ժամանակ սրտի կատված է ստացել և բժիշկները նրա վիճակը ծանր են գնահատում, իսկ Աբիդալին` կրկին լյարդի վիրահատություն է սպասվում: